بقلم /رشا رضا: بنت رضا..
ابو يا جالى فى المنام وقالى نامى متزعليش
وقولى لأمك انى هفضل جنبها وقوليها برده متزعليش
مت بجسمى اه صحيح بس روحى وسطكم
وهاخد بالى منكم كلكم
قوليلها ابويا حافظنا كلنا عارف مين فينا الجدع
مين فينا سايبه ليكى ظهر ويكون سند
ابويا جالى فى المنام وكان نفسي بس احضنه
ظهرى اتكسر قلبى اتكسر بس اللى مخفف عننا وجود حته منك وسطنا
وكفايه سيرتك ودعوتك ممشينا كلنا
بفرح قوى لما يقولولى انى شبهك
مش بس شكلك لا وطبعك
اخدت منك كل حاجة خلقها فيك ربنا
هفضل محافظة على كلامك ،على صلاتك ،على اهتمامك بست الكل أمنا
وانا من هنا بطمنك إن حبيبتك أمنا فى عيننا وقلبنا
ورسالة منى لكل شخص ابوة وامه موجودين
الحق واجرى بوس ايديهم قوم راضيهم دول باب دخولك جنات النعيم
أبويا
