أضرار فرض السيطرة علي الطفل

كتبت /سمر فرج محمد المصري…
اليوم سوف نتحدث عن مشكلة تؤثر على شخصية الطفل وهي فرض السيطرة
دة خطئ كبير و اساسه هو حب السيطرة و الديكتاتورية ..فكرة انهم صغيرين و احنا الكبار و لااااااااازم يسمعوا كلامنا دى فكرة خاطئة و ينتج عنها شخصيات منقادة ضعيفة الشخصية .
و للاسف الوالدين مش مدركين ان الطفل عندة القدرة على الاختيار و الاعتماد على نفسة فى امور كتير
نلاحظ الام طوال اليوم ” كل ….نام …اقعد ….انا مش قلت لك اعمل كذا …..”
نتيجة هذا الكلام حاجة من اتنين:
1- يبقى شخصية ضعيفة بيسمع كلام اى حد و يخاف يعبر عن راية
2- عدم سماع الكلام
و فى الحالتين نتائج سيئة
لكن فى حالات لازم يكون فيها فرض الاوامر على الطفل و ع الحالات دى نحاول فى باقى الاحوال اللى لا تستدعى نجعل الامر بالاقناع لان فرض الاوامر ميفقدش مفعوله
الاحوال التى يجب فيها فرض الاوامر :
1-النوم
2- لو اتعرضت صحة الطفل للخطر
3-لو فى روتين معين بتمشى عليه الاسرة
بيكون لازم يكون للطفل مساحة من الحرية يختار فيها و يحس بنفسة .
يعنى ياكل بطريقتة و يلعب بطريقتة حتى لو طريقتة ادت لبعض الحوادث البسيطة للبيت و تعبتى لتنضيفها بس معلش ما هو لازم يتعلم و مع الوقت هيعمل الصح .
لو الطفل عاندك فى امر زى اختيار لبسه مثلا او …ماتزعليش و تقولى دة وحش و عنيد
لا انظرى للامر بوحهة نظره هو …انه عايز يحس بشخصيتة و انه هو اللى بيختار ده بيكون شئ ايجابى مش سلبى
لا تنتقدى ذلك بكلام مدمر …انت عنيد …انت مابتسمعش الكلام …و كلام من ذلك
لا لو الامر بسيط و مافيهوش خطر عليه لا تقف عنده و شجعيه و افرحى باختياره و و حسسيه انه احسن اختيار فى الدنيا
حتى لو اصر مثلا ينزل بشراب شكل و شراب شكل …..اه و الله ….سيبيه و قولى له انها فكرة رووعة
او ممكن انتى تديلة اختيارات يختار ما بينها …كدة انتى فى حقيقة الامر انتى اللى مختارة بس هو فاكر ان هو اللى بيختار ….فاهمنى .

1- نسيب الاولاد يلعبو بطرريقتهم الخاصة و لا نفرض عليهم طريقة معينة للعب .
2- اتركى حرية الاختيار للطفل انه يختار وقت اكله و ياكل بنفسه لو عايز حتى لو وقع على الارض و انتى عليكى تنضفى
3-فى اللبس سيبيه يحاول يلبس بنفسه الحاجات السهلة .
4-لما تختارى له انتى حاجة ماينفعش هو يختار فيها بنفسه حاولى تفهميه سبب اختيارك ليها ايه مش فرضها عليه بالقوة و خلاص يعنى حاولى تقنعية بيها و تحسسيه ان هو اللى عايزاها .

custom1
قد يعجبك ايضا