أمانة البعاد

بقلم : فاتن محمد رشاد


أنا لما جيت حنيت لقلبك بعتنى
قولت ف كلام جرحنى بعدين لومتنى

- إعلان -

طب ليه ده قلبى إنت عارف إنه طيب
إنت اللى جيت طلبت وده بقيت قريب

أنا كل كلمة قلتها ف لحظة هيام
بادِلتنى نفس الشعور عشنا ف غرام

لو كنت نفسك ف البعاد طب كنت قلى
أحسن ما اشوف منك حاجات واحس ذلى

أنا عشت عمرى معاك كتير بتمنى سعدك
طب فيها ايه لو قلت لى أنا مش بحبك

الصدق فى العشق حبيبى عندى أمانة
أما إنى أشوف كذب ف عنيك هو الخيانة

أنا عايزة اعرف يا حبيبى ايه الحكاية
ده كل كلمة أكيد تقولها هتفرق معايا

طب كنت قول إن إنت مش عايز هوايا
هخرج سعاتها من حياتك م البداية

أشرف لأى إنسان لما يكره أى حب
يخرج من غير ألم ولا وجع لأى قلب

قد يعجبك ايضا

التعليقات مغلقة.