أنا المعلم صاحب الضمير

تخاريف بنت رضا

محدش فاكرنى فى وسط الزحام
سلبيات سلبيات دروس ونهب وسناتر وعربيات
طب انا فين ومين هيذكرنى
مين فى يوم هيدينى،حقى
تعرفوا انى اشتغلت سواق ونجار وكهربائى وسمكرى
تعرفوا انى بأدى واجبى بكل الكيان
اه نسيت اقولك انا فى المدرسة زى النسكافية كله فى واحد
مدرس العاب وفصل و بدي كل المواد واعمل امتحانات واخد الغياب اصل العجز فى كل التخصصات وانا لازم اغزل برجل حمار ،حد فيكم فكر ودور انا وضميرى عاملين ايه
انا اللى بشمر،وابيض واروق واصلح ديسكات قديمه هالكة
انا اللى قدامى من التلاميذ بالمئات
انا رمانه الميزان
خدوا بالكم وركزوا مع أصحاب الضمير فى المجال
بدل مايموتوا قهرا من الإهمال

قد يعجبك ايضا