أوقات كِتير


بقلمى محمد عنانى
أوقات كتير أوقات
بتجرى ولا حاسين
والعُمر عدا وفات
وكإنه غَمضة عين
ملايين من الساعات
وسنين وراها سنين
بين فَرح ولا آهات
إحنا يادوب عَايشين
مكتوب فيها حكايات
سطورها دمع العين
ونلاقى فيها حاجات
ممكن تكون سطرين
فى سعاده لو لحظات
فى القلب ليها حنين
أصل الزمان أوقات
على الخلق محسوبين
وسنينا دِى الرايحات
واحنا معاها رايحين
ويا اللى فاتنا ومات
حسب الأجل والحِين

custom1
قد يعجبك ايضا

التعليقات مغلقة، ولكن تركبكس وبينغبكس مفتوحة.