إزاي تتعاملي مع “مشاعر حب” بنتك في مرحلة المراهقة؟

منار العزب

بقلم : منارالعزب

- إعلان -

لو حسيتي أو عرفتي إن بنتك بتحب وهي في سن صغير وحساس زي سن المراهقة أوعي تتعاملي بعنف أو توبيخ .. تعاملي معاها برفق واحتواء .. قوليلها إنك مقدرة مشاعرها جدا .. قربي منها .. انزلي لسنها .. وخليها تحكيلك كل حاجة .. حسسيها بالأمان وإن هي صحبتك .. بعد ما تسمعيها .. احضنيها .. وقوليلها إنك حاسة بيها جدا ومقدرة مشاعرها .. وبعد كده قوليلها سلبيات مشاعر الحب في السن ده .. وإن هي فترة مؤقتة بتمر بيها أي بنت .. وحاوطيها بالحب والرعاية .. وقولي لوالدها يقرب منها ويصاحبها .. ويضحك ويهزر معاها .. املي وقت فراغها .. وشجعيها إنها تكون بنت مميزة .. وساعديها إنها تكتسب مهارات جديدة تخليها شخصية مميزة ومبدعة .

سبب من ضمن الأسباب المهمة في اندفاعها في مشاعرها ناحية شاب أو ولد زميلها .. إنها مش لاقية الاحتواء والعاطفة في تعاملك وخاصة والدها بسبب انشغاله ..

مهم جدا الاحتواء والعاطفة والحضن للبنت والولد على حد سواء .. مهم جدا يلاقوا ده في البيت .. عشان ميدورش برة في سن مش مناسب.

ومرة تانية إياكي تندفعي وتوبخيها و تقوليلها أنا هقول لباباكي يتصرف معاكي .. كده إنت هتزيدي الفجوة اللي بينكم وبينها.

حسسوها بالأمان عشان متدورش برة على إحساس الأمان مع شاب غير جدير بالمسؤولية

قد يعجبك ايضا

التعليقات مغلقة.