هاتي ماسورة وكرنباية وابدعي في عمل محشي الماسورة الساخن! 😍🔥
محتوي المقالة
لو نفسك في أكلة سخنة تنزل على القلب مباشرة، تعالى نعمل مع بعض محشي الماسورة اللي هيخليكِ ملوكة المطبخ! 💪✨
المكونات:
- لحمة وماسورة مسلوقين
- كرنب
- أرز
- خضرة مشكلة (بقدونس، شبت، كزبرة)
- بصل مفروم وبصلة مبشورة
- طماطم مضروبة في الخلاط
- صلصة طماطم
- ثوم مفروم
- قرن فلفل حامي
- زيت وسمنة
- توابل (ملح، فلفل، كمون، كزبرة، بهارات مشكلة، ومعلقة صغيرة سكر)
طريقه عمل #مخلل البنجر بطريقة ( – للمزيد أتبع الرابط التالي https://nesral3roba.com/?p=125453…#عاجل#مطبخنسرالعروبة
طريقة التحضير:
- تحضير الكرنب:
- هاتي كرنباية حلوة من السوق، اسلقيها في مياه مغلية مع رشة كمون حب (بدون ملح).
- نزلي ورق الكرنب في المياه وشيليه بسرعة علشان ما يتهريش.
- تسوية اللحمة والماسورة:
- اسلقي اللحمة والماسورة وضبطي الشوربة بتاعتهم. هتطلع شوربة تجنن، جاهزة للمحشي.
- عمل التخديعة:
- سخني معلقة سمنة مع شوية زيت، ونزلي بالبصل المفروم وقلبيه لحد ما يدبل.
- ضيفي معجون الصلصة وقلبي كويس.
- اضربي الطماطم مع الثوم والفلفل الحامي في الخلاط، وضيفيهم على البصل.
- تبلي الخليط بالتوابل ورشة السكر، وقلبي لحد ما ريحة التخديعة تملأ المطبخ.
- خلطة الحشوة:
- ادعكي البصل المبشور مع التوابل، وضيفيها على الأرز والخضرة.
- حطي التخديعة على الخلطة وقلبيهم كويس.
- حشو الكرنب:
- شمري إيديك واحشي ورق الكرنب بالخلطة.
- تسوية المحشي:
- شوحي اللحمة المسلوقة في معلقة سمنة في الحلة اللي هتستخدميها.
- رصي المحشي فوق اللحمة، وضيفي الشوربة بحيث تكون أقل من المحشي.
- سيبي المحشي على النار لحد ما يستوي، وقدميه سخن.
ألف هنا وشفا يا مبدعة المطبخ! 🥰❤️