ازى أعرف ان ابني عنده مشكلة


بقلم / سمر فرج محمد المصري
كلنا بنخاف علي اولادنا ومقال اليوم ازى تتعرفي علي ابنك وهل عنده مشكلة اما لا
لان وارد جدا مشكله الطفل فى الكلام تكون ناتجه عن مشكله فى السمع.
طبعا وقت الولاده الطبيب بيفحص سمع الطفل ويا ريت لو عند الشهر السابع نروح للطبيب يفحصه تانى
لكن ازاى الام تتابع فحص الطفل فى السنه الاولى من عمره وايه العلامات الى بيعملها طفلك تتطمنى ان مفيش مشكله فى سمعه :

١- بعد وقت قصير من الولاده : لو سمع صوت عالى فجأه زى هبده باب او سقفه هتلاحظى انه اتخض

٢- بعد شهر من الولاده : الطفل هيسكت ويسمع لصوت طويل .. زى لو شغلت المكنسه الكهربائيه جمبه
٣- فى الشهر الرابع : هيبتسم لما يسمع صوتك ويهدا حتى لو مش شايفك ..
و لعبتى لعبه معاه انك تقفى وراه او جمبه وتكلميه هيدور راسه وعينه عليكى

- إعلان -

٤_ فى الشهر السابع : هيلتفت لاى صوت جمبه حتى لو كان صوت هادى .
٥ _ فى الشهر التاسع : هيسمع بانتباه للاصوات المالوفه حواليه وهيضحك للمناغاه ولعبك معاه وهيدور على مصدر الاصوات الهاديه الى مش شايفها .
٦ _ فى الشهر ١٢: هيستجيب للكلمات المالوفه
زى ( لا ) مثلا .. حتي لو
معملتيش حركه بتعبر عن الكلمه .

تابعى تطور ابنك لان لو لاقدر الله لقيتى حاجه مش طبيعيه كل ما لاحظتى بدرى كل ما هيبقى احسن .

custom1
قد يعجبك ايضا