ازى احبب ابني في الصلاة


كتبت / سمر فرج محمد المصري..
بعض الأطفال يرفضون اداء الصلاة وهنا تتعصب الأم ولكن هناك طرق اخري غير العصبية وهي

الطفل اللي مش بيصلي..
وأحيانا بيعمل نفسه بيتوضا ويبلل اجزاء جسمه الخاصة بالوضوء ويقف يعمل نفسه بيصلي ولاهو توضا ولا هو صلى!!
احنا بنعلم ولادنا الصلاة بالنمذجة يعني يشوفونا بنصلي فيقلدونا وبعدها نبدأ نحاسبهم عالإلتزام بالصلاة..
في الصلاة التقليد واداء حركات الصلاة لوحدها مش كفاية ابدا بل هي متممة فقط للاصل اللي احنا مش واخدين بالنا منه ابدا ولا بنهتم بيه ..
الاصل اننا نفهم الطفل بيصلي ليه قبل ما يصلي عشان يصلي..
ابدأ اربط كل حاجة كويسة بتحصل ان ده مكافاة من ربنا ومينفعش اقول انك لو عملت كذا ربنا هيحبك
لأن اولا حب ربنا لينا غير مشروط .. وتانيا لما يكبر الطفل هيقولك الملحدين اغنياء ومبسوطين وتعديل افكاره ساعتها حيكون صعب ..
لما يفرح نعلمه يحمد ربنا ويسجد حمد ليه عشان الحمد ده يبارك ويزود كل حاجة جميلة بتحصله..
وكل ما يحتاج حاجة نعلمه يكلم ربنا يدله ازاي يحققها بأفضل السبل..
كل ما يحتار في حاجة نعلمه يسأل ربنا يقوله اللهم خيرلي واخترلي ولما يكبر شوية نعلمه دعاء الاستخارة ولما يكبر كمان نعلمه صلاة الاستخارة..
ومننساش نفهمه ان الاستخارة بس عشان توضحلنا الطريق الصح وعلينا السعي اكيد ..
نفهمه كل ما يكون زعلان او متضايق يكلم ربنا وهيحس انه مرتاح ولما يكبر شوية يقرا آيات من القرآن او يسمعه..
ده جزء صغير من حاجات كتير اووووي ممكن نجتهد بيها تزرع جوه الطفل القرب وتواصل قوي جداااا بربنا..
في ذلك الوقت هتلاقي طفلك بيسابقك على الصلاة وهو اللي يفكرك بيها..
اللهم اجعلنا مقيمي الصلاة ومن ذرياتنا اللهم تقبل الدعاء..

custom1
قد يعجبك ايضا