الأفيون الحلال ..

بقلم الدكتور أحمد أبو النصر


الشيكولاتة ..
الغامقة – الدارك – الخام .. اللي لا سكر أبيض ولا حليب ولا جلوتين ..

مالها يا سيدي .. هقولك :
بتمنع أي ألم ، توتر عصبي ، مزاج سئ .. بل بالعكس بتخليك مبسوط وسعيد ..
ذات الـ ١٧٠ دراسة على مستوى العالم ..
في نيوزلاندا قالوا بتقوي العين وبتمنع ضغط العين والمياه الزرقاء والجلوكوما ..
وهناك في أسبانيا قالوا بتقلل ضرر السكر على الكبد ومنع الفركتوز الصناعي والجلوكوز بترسبوا فيه فـ بالتالي مايحصلش دهون كبد (ضموها على قائمة تغذية الكبد ومنع الدهون) ..
وفي أمريكا عملوا ٦ دراسات كاملة مكملة عن قد إيه هي مفيدة للتصلب الشرياني وضعف عضلة القلب وتزويد التورية والدورة الدموية للقلب .. ومنهم واحدة بتفيد إنها بتمنع التذبذب الأذيني ورعشة القلب ..
وفي اليابان عملوا ٤ دراسات شبه بتوع أمريكا قالوا بما معناه الستات هتبطل جملة “هتجيبولي جلطة” خلاص مابقاش ليهم حِجة الشيكولاتة الخام بتمنع الجلطات ..
كوريا الجنوبية قالت لو أنت عصبي فـ قولونك بيزعل على زعلك فـ يعملك إمساك ماتبقاش تنسى الشيكولاتة..
في سويسرا عملوا معادلة على كذا شخص ياخدوا ٤٠ جرام يومياً منها لحد أسبوعين (١٤ يوم) ، والمعادلة نجحت عليهم إن نسبة الكورتيزول اللي بيطلع من الغده الكظرية عندهم توصل للطبيعي ، وأكدوا إن طول ما فيه stress “توتر” هتفضل الغدة تنتج في هرمون الكورتيزول ودة مش حلو عشانك ..
في بريطانيا بقى قالولك لو محتاج طاقة وكفاية إجهاد جسدي حتى لو أنت من مرضى التصلب المتعدد ، خد شيكولاتة..
وإنجلترا ردت وقالت لا وكمان هتعالج الإكتئاب ..
وفرنسا درست إنها مهمة لتضخم البروستاتا ..
والمكسيك ختمت في سنة ٢٠٢٠ إن الشيكولاتة مهمة جداً جداً لضعف الذاكرة والإدراك ..

- إعلان -

مستهون أنت بالشيكولاتة دي .. دي مزاج وعلاج وطعم حلو (وحل مشاكل) .. وسد شهية ..
أعملوا شير لمدمنين الشيكولاتة الخام اللي مابيحبوش اللي بالسكر خليني أحس إني مش لوحدي اللي عملتها بسكر إستيڤيا عشانكوا ..
دمتم بصحة
الدكتور احمد ابو النصر

custom1
قد يعجبك ايضا

التعليقات مغلقة، ولكن تركبكس وبينغبكس مفتوحة.