البحث بربع جنية

تخاريف بنت رضا

بحث يا حاجة بحث يابية
كيلو البحث بربع جنية
شخلل جيبك ريح روحك
واحنا هنقوملك بالواجب
بس يامستر انا عاوز افهم
نفسي اجرب نفسي اتعلم
بس ياواد عاوز ايه ؟!واحنا منين ياحبيبي،هنهلب
امك قالت ريح نفسك هين قرشك ولاتهين نفسك
لا يامستر فى استاذ عنده ضمير فهمنى انا هعمل ايه
قالى اتعلم ،جرب واغلط وانا وياك وتحت أمرك
قالك ايه نهاره اسود بيبوظ البية السبوبة
سبوبة ده كلام يطلع من استاذ،
اختى قالوها فى مدرستها مفيش حاجة اسمها تشترى ابحاث
وادوها قالب تدور هى على كل نقطة ،اختى بتتعلم وانا هنا بتعلب
والعيب على أمى اللى جريت اتحايلت ودفعت
العيب على سرطان الإهمال ،وفساد الدم فى عروقكم
راح افهم امى انى هجرب حتى لو فشلت هرجع ادور
وتحية لكل مربى أجيال لسه عايش بمبادئ إنسان
وهدعىى لمريض الإدمان ان فى يوم يفوق بأمان
إدمان المال ،الاستهتار،،القهر المقهور بيه قهرنى
ياوزير ياهمام خلى بالك من الاستاذ عشان هو ياخد باله منىى
مع انى بقر،وبقرر وجود الأجمل والأفضل والقلة المندسة مابينكم هتضيع وسط بحر الإخلاص

قد يعجبك ايضا