الكمساري ( جريدة نسر العروبة )

بقلم/ عزة محمود على حسن

“من سلسلة المهن والحرف المصرية في شعر العامية”

واحد من الناس…. الغلابة الشقيانين
بيلف مع قطر الزمان……. و يا السنين
طول النهار ……………ومفيش هزار
واقف ما بين ناس………… مطحونين

- إعلان -

يقطع تذاكر للبشر ……… زي المطر
وينبه الناس للهروب….. وقت الخطر
واخد في وشه يوم تراب ويوم عفر
داير بلاد الله شمال ….وكمان يمين

يلم ملاليم …………..مايساووش
كانت التذاكر………………..بالقروش
يعطي الفقير…. ولا يوم يحوووش
واللقمة…………….. حق المحرومين

صاحبه العطشجي………. والشيال
ومرتبه في الشهر………………ريال
شقيان اووووي…. وصاحب عيال
نفسه يكون…………..م المستورين

هدومه كاكي …………….مزيته
حران في صيف …….بردان شتا
ومراته…………. تخدم في البيوت
نفسه …………….تكون متستتة

يحلم وحلمه……………. محطتين
في حياته………… سجل شكوتين
والخط باهت………………ع الورق
لما اتمسح…………….. من دمعتين

custom1
قد يعجبك ايضا