المواهب يعني عطايا من الله

كتبت / إكرام بركات..

علمونا إن المواهب هي أنك صوتك حلو، بتعرف تغني، بتعرف تمثل أو ترسم..لا أحد فهمنا إن المواهب معظمها معنوية وليست مادية..لا أحد علمنا إن ضحكتك الحلوة دي موهبة..إن روحك الحلوة وبشاشتك في وجه الناس دي موهبة..إن طريقة كلامك اللطيف مع الناس موهبة..إن الناس تحبك وتلاقي قبول دي موهبة ربنا ليك..إن طيبتك وقلبك الواسع ده موهبة..إنك تحس باللي حواليك وتفهم نفسيتهم موهبة..إنك تكون قادر تمد إيدك وتساعد كل اللي حواليك موهبة..إنك تخدم بحب موهبة..المواهب يعني عطايا..متخيل ربنا أعطاك قد ايه وانت تنظر للي صوته حلو؟للأسف..علمونا إن الإجابة على السؤال بتاع مواهبك إيه لازم يبقي حاجة مادية..مع إن الإجابة هي إن ربنا مغرقنا مواهب وعطايا.

custom1
قد يعجبك ايضا