بتعلمينى إزاى ؟ !

بقلم الشاعرة / سميرة محمودى
متابعة / سامح الخطيب

- إعلان -

بتعلميني ازاي؟؟!!
مانا وحدي متعلم
ودموعي نزلت الم
من قبل ما اتكلم
شافت عيوني كتير
م الدنيا زور ياما
ولا خدت م التغيير
غير حسرة وندامة
بالمر خدت دروس
ونفوس نافصها نفوس
علي كل روح بتدوس
والظلم دوامة
بتعلميني اكون مخلص
واداديكي
وانتي اللي عشتي سنين
والغدر ماليكي
انا كنت فاكرك امل
طارح علي كفوفي
علمتي قلبي البكى
واليأ س من خوفي
لو كنتي فاكرة الحياة
فوق جنتك وردي
مايغركيش ضحكتي
فالدمعة فوق خدي
كتبتي ليا الشقي
وتعبت فيكي سنين
وانت ولا لك بقي
وشاطرة في التلحين
غنيت بناي الاسي
وبتعملي مدرسة
بتعلميني الزيف
والصمت والنعوسة
وحكمتي بالاعدام
علي كل احساسي
انسان في عين حضرتك
ولا انا ناسي
واني يدوب شخبطة
باتت ف كراسي
هديتي فيا الحيل
ومشيت انا محني
جاني انا بشوكك
والورد صار مجني
انا العليل باشتكي
للدنيا من يومك
وصبحت انا المتهم
ما خلصت من لومك
يا معلماني الجحيم
عايش انا ف ضله
بتعلميني ازاي
واللغز انا حاله
درسك حفظته كتير
وتعبت من حله
لو كان حبيبك عسل
ماتلحسيش كله

قد يعجبك ايضا

التعليقات مغلقة.