بمناسبة مرور سنه علي انضمام افشة للاهلي ..

تابعت/ فاطمة العامرية

- إعلان -

بداية افشة مكنش اللاعب الاساسي في انبي رغم موهبته لكنه ورغم مشاركاته القليلة الا انه كان مؤثر جدا علي مستوي فريقه من ناحية التمريرات وقدرته علي فتح الملعب لزمايله ..

_افشة بوجوده في انبي كان اكتسب حساسية الدوري واتأقلم علي الاجواء ورغم كده كانت ارقامه قليلة بالنسبة لموهبته 69مباراة صنع 8 اهداف ، لكن بانتقال افشة لبيراميدز اتغيرت حاجات كتيره بوجود المدربين الاجانب هناك واللاعيبه الخبره ..

_لعب معاهم 24 مباراة سجل 6 اهداف وصنع 7 بمجمل 13 هدف وده رقم كبير بالنسبة لصانع العاب مصري في الوقت الحالي ، كل ده لان افشة مع تطور مستواه وتغيير مركزه اللي اصبح علي الدايرة بقت عنده القدرة انه يكشف الملعب بالكامل وينزل يستلم ويعطي زمايله فرص قاتله ..

_افشة بانتقاله للأهلي كان بقي من نجوم الدوري وكان حاجز مكانه بشكل اساسي مع الاهلي للنقص في مركز صناعة اللعب ، بس في الاهلي متثبتش علي الدايرة لا بقت عنده حرية حركة اكبر في نص الملعب لوجود دبابه زي ديانج فقلل من دوره الدفاعي وده ساعد افشة علي التألق والظهور بشكل مميز مع الاهلي حيث شارك في 23 مباراة سجل 5 اهداف وصنع 10 وده بمعدل هدف او اسيست كل 117 دقيقة وهو معدل ممتاز جدا بالنسبة للاعب مصري

_افشة كمان بيتميز بحاجة كمان وهي العرضيات المتقنة جدا جدا يمكن بعد علي معلول هو افضل لاعب قادر يوصل الكره لدماغ المهاجمين وحتي في الضربات الثابته فهو كان مميز جدا فيها بردك وده كله بيجعل منه لاعب متكامل جدا ومناسب للاهلي.

_في النهاية انت بتمتلك واحد من افضل 3 لاعبين في مركزه في مصر وبيقدم مستوي مميز جدا بمعدلات رائعة سواء علي المستوي التهديفي او صناعة الاهداف وباستمراره في الملعب واصراره واجتهاده هيبقي احسن لاعب في مركزه.

قد يعجبك ايضا

التعليقات مغلقة، ولكن تركبكس وبينغبكس مفتوحة.