(قصيدة بالعامية المصرية)
الشاعر/أحمد عفيفي
دمياط/ مصر
بنده عليكى يادنيتى
فاض الجوى وزاد الانين
بنده عليكى ترجعى,
ونعيد صبابة عشق ضاع
من عمرنا
والذنب كان مش ذنبنا
ذنب الزمان اللى حرمنا
والعذول اللى بكلامه غشنا
من غير دليل
قلبى عليل وانتى الدوا
وانتى الهوى وانتى الشفا
والسلسبيل
وانتى القدر
مشتاق وشوقى كما الطيور
لمّا تحِنّ لعِشّها/
ف حضن الشجر
باستحلفك ما تبخلى بودِّك
وعـودى واشفقى ع
اللى انتظر
يبكى الضنا وسنين فراق
والفجر شاهد وحدته
حتى القمر,
سهران بيُرصد لوعته!
عيدى النظر ,
ده قدرنا ومسطّـر على
جـبين عـُمرنا
قِـستَ الأتر شُـفت الودع
وعملت:تعويذه وحجاب
ومفيش رجوع تانى
وعذاب ,
ومفيش فرار/ لبًى الندا
وانا ف انتظار!!
*************