كان إيه اللى رماك ( جريدة نسر العروبة )

بقلم الشاعر / حارس أبوعزب
متابعة / سامح الخطيب

- إعلان -

بحلم بحجات مش مفهومه

وكلام ملهوش تلاتين لازمه

وحيطان البيت مش محسوبه

بتفكر يمكن فى الازمه

وبندارى جراحنا فى حبة اه

والقلب العاشق مين قواه

والكل بيجرى ف عكس السير

لكنى بقول ديما الله

ونعشم نفسنا بالجنه

وبنرسم احلامنا حكاوى

وندور فى الساقيه

اللى تساوى لفتها حياه

والاه تتغنى على ربابه

وهناك فنان ماسك غابه

وبيعزف جوه الروح ألحان

جواك احزان عاوزه تصارحك

بحقيقه وانت مخبيها

لكن فضحاك مش ماشيه معاك

مش عارف ابدآ تكمتها

وتلجمها وتموت جواك

بتكابر لكن راح توقع

أصلها رفضاك

تجاعيد الوش خلاص بانت

وبتحكى عليك ديمآ للناس

جواك اسرار وف ايدك كاس

جواك بركان عايش مأساه

وحروف الشعر المنصوبه

ما بقتش تأمن بالقافيه

ماشيه وبتزك وبالعافيه

بتحاول تطلع يوم براك

كان إيه اللى رماك جوه الدايره

بتحب ف أرض لكن بايره

وساكنها شيطان محتاجلك

شيخ بيقول قرأن

وتفكر كيف هتموت واذاى

وغزاله تقولك كام باى باى

تتمشى مابين حيرتك وهواك

تتمشى ويمشى الضل معاك

وتغنى لوحدك كام موال

هتشوف م الدنيا كتير أهوال

يظهر دخان يجى الدنيا

والعاصيه لسه بسلامتها

بتلبس خلخال

متفاته الدنيا وكتر المال

وتفكر مين راح يدعيلك

وتفكر مين يوم هيشيلك

وتروح الروح وتنادى بصوت

زى المبحوح وتقول يا عيال

ولا تلقى اللى يرد سؤالك

دامت لمين لو ديمالك

عاوز تشترى عمر بمالك

لو مالك ده هيساوى جبال

مش هيساعدك ف القبر المال

ونشوف م الدنيا الدواره

لسه حكاوى لسه غناوى

ولساك برضه قاعد معووج

ما خلاص قرب يظهر مأجوج

بتقاوح ليه وبتتمارض

وبترفع ايدك وتعارض

وتصحى الناس من عز النوم

أهو جالك يوم بيبرم عمرك ف شنابه

عايش مهزوم ونجوم الليل

مخلاص تاهو ما خلاص غابو

بتلوم الناس وتقول عابو

الدنيا هتبنى عليك فى لحود

وتكون الوجبه ياكلها الدود

قدامك حل ومش موجود

تتشاهد وتناجى ف سرك

وتلف الدنيا معاك وتدور

وتقول انا بس عليا الدور

الموت بيلم أسود وصقور

والموت بيبان أصله علامه

والدنيا تلف فى دوامه

ونعيش ونقول دى تبقى حياه

ماسكين فى حبال لاكن دايبه

وطموح واحلام صبحة خايبه

وحكاوى كتير لكن شايبه

وحجات مركونه فى ظل زمان

وبدايه بتوصف فى الانسان

وعيون بتشوف الليل وسماه

ما تقولش الاه وانت مسافر

واوعاك تتمنى الموت لحظه

لتموت وحدك وتموت كافر

حارس أبو عزب

ربما تحتوي الصورة على: ‏‏٥‏ أشخاص‏
قد يعجبك ايضا

التعليقات مغلقة، ولكن تركبكس وبينغبكس مفتوحة.