كفايه حزن


بقلم الشاعر محمد سعدون

كفايه حزن يا قلبي. عليك

وأمسح بايدك دمع عنيك

- إعلان -

وأنسى إلى خانك في يوم وباعك

والي بيطفي النور في عنيك

يا قلبي سيبك ده مش نصيبك

لا صان غرامك ولا كان حبيبك

عمره ما حبك وحس بيك

بالغدر سابك في نار عذابك

مجاش في باله يدق بابك

ويجي يسأل ايه جرى ليك

ذادت همومك طفيت. شموعك

بنار جراحك سألت. دموعك

و راح وسابك ما حس بيك

بلاش يا قلبي تروح . و تشكي

هتروح لمين في حضنه تبكي

جرح. الحبيب هو الي ماليك

بلاش يا قلبي تعيش في أوهام

وأنسى الحب وأنسى الالام

بكره تبان الفرحه عليك
بقلم الشاعر محمد سعدون
الاثنين 21/9/2020

custom1
قد يعجبك ايضا