كما تدين تُدان

بقلم / إكرام بركات..

من الحاجات اللي مؤمنه بيها مليون% إن كله بيترد.. خير أو شر كله بيرجع.. جايز مش فى نفس الصورة بس بيرجع.. تطلّع صدقة؛ ترجعلك صحة.. تساعد حد ماتعرفوش النهاردة؛ فـ ربنا يبعتلك حد مايعرفكش يساعدك بكره.. تطيب خاطر حد بـ كلمة؛ فتلاقي كومة ستر ضللت عليك فى موقف كان الأقربلك فيه إنك تكون فُرجة!.. وبرضه فى الأذي.. محدش بيإذي، بيجرح، وبيظلم؛ إلا وبيحصل معاه نفس اللي عمله مع غيره!.. يحصل النهاردة بكره أوبعده مش مهم بس بيحصل.. الخير دايرة، والشر دايرة.. الأمور مش سايبة، ولا الكون ماشي سبهللة.. ﴿وَلَا يَظْلِمُ رَبُّكَ أَحَدًا﴾…عند ربنا حرفياً مفيش حاجة بتضيع.

custom1
قد يعجبك ايضا