كيف أجعل أبنى لديه هدف ؟!

كتبت / سمر فرج محمد المصري..

أزى أجعل أبنى عنده هدف يسعى لتحقيقههذا ما سوف نعرفه في مقال اليوم ابني بسأله عايز تكون ايه؟ مش عارف .. عايش كدة بدون هدف ..

هيجنني..لازم نكون فاهمين تماما ان الطفل بيجي الدنيا أبيض مش بيعرف ولا حاجة الا مافطره الله عليه والعوامل الجينية وبيتعلم كل حاجة مننا . الوالدين والأخوة والأسرة والجيران والمدرسة والصحاب والشارع والميديا..المشكلة دي زمان ماكنتش موجودة لوجود الزيارات العائلية والتواصل بين الناس فكان متاح للطفل ان يتعرف على المهن وطبيعتها من خلال الاشخاص المحيطة..

- إعلان -

إنما حاليا لشبه انعدام ذلك فلا بد للوالدين من شرح ذلك لأبنائهم .. ماذا نفعل؟ بمجلس ود مع أطفالك اطرحي موضوع المهن لنقاش مفتوح خليهم يشاهد صور لكل مهنة واسأليهم رايهم في المهنة ؟ شايفينها ازاي؟ برأيهم ازاي يوصل الشخص للمهنة دي؟ لازم يدرس ايه؟ ازاي يتميز بيها؟ (ولازم اسأل عالتميز عشان ازرعها كقيمة عند طفلي) ..

من خلال إجابات الطفل نفسه هيبدأ يتعرف ويفهم ازاي يحط هدف ويحققه مع قليل من الشرح من جانبك .. سيبيه يختار ثلاث مهن ويرتبهم بالأولوية حتى ندربه على فكرة البدائل ..

اكتبي لقب المهنة اللي اختارها على ورقة قبل اسمه والزقيها فوق مكتبه او باب أوضته عشان تفكره دايما بهدفه وتثبته جواه وعقله يساعده بتنفيذ خطوات تحقيقه.. حتلاقيه بدأ يحب المدرسة ويحب المذاكرة لأنها وسيلته لتحقيق هدفه .. حذاري كل شوية نلوم عليه هتلاقيه تخلى عن كل شيء عشان مش طايق يسمع الكلام ده..دائما الكلام يكون تحفيز معنوي وتعزيز ثقة بالنفس

custom1
قد يعجبك ايضا