لو قدرت…. أديك حياتي


أوهبك قلبي ..وعواطفي
عمري…… ما فكرت أبعد
لاجل ما تحتاج.. لعطفي
………

ده أنت كل حياتي وأكتر
تفتكر ع البعد ……أقدر؟
ياللي وعدك…. جوه مني
سال في دمي.. نهر سكر
…….
وانكتب لي أعيش هوايا
من جديد….. وأنت معايا
دقت طعمك.. راح مراري
حليت لي……. أيام صبايا
………

لما عشتك….. عشت جنة
كل شئ بالشوق.. جمعنا
نبض قلبك.. جوه حضني
حسسني….. بأحلى معني
…..

- إعلان -

آه يا ضي عيوني….. أنت
كل كلمة……… وكل نبضة
كل ضمة عشق…….. منك
دوبتني………… لألف حتة
……..
يا غرام الروح…… يا غالي
يا اللي حليت…….. الليالي
عمر تاني…. عيشته جنبك
لما قلبك……… نال وصالي

بقلم رئيس القسم الأدبي:

د. عزة محمود علي

custom1
قد يعجبك ايضا