مطبخ نيلى (موكا تشيزكيك)

الطريقة:

- إعلان -

نسخن الفرن على حرارة ٣٥٠ فهرنهايت و نجهز قالب التشيزكيك (٩ انش) مدهون بزبدة.

لتحضير طبقة البسكويت: نخلط البسكويت المطحون مع الزبدة المذابة و نضغطهم كويس في الصينية و نخليها على جمب.

لطبقة التشيز: نخفق الجبنة و السكر بالمضرب الكهربائي الين يصير ناعم. بعدها نضيف البيض و نكمل خفق بس لا تقلبوا كثير عشان لا تتشقق طبقة التشيز.

في زبدية ثانية نذوب الشوكولاته في حمام مائي أو في المايكروويف الين تصير سائلة و نتركها دقايق قليلة تبرد و بعد كدة نصبها على خليط التشيز بسرعة و نقلب كويس. بعد كدة نضيف كريمة الخفق و الكريمة الحامضة و نقلب الين يتجانسوا.

في كوب نذوب بودرة الاسبريسو في الماء الساخن و نضيف معاه الڤانيلا و نضيفه للخليط السابق و نقلبهم كويس الين يتجانسوا تماماً.

نصب الخليط كامل في صينية التشيزكيك إلي جهزناها مسبقاً و ندخلها الفرن لمدة ٤٥ دقيقة. بعد ما نطلعها حتكون لسة سائلة قليلاً من الوسط لكن مافي مشكلة حتتماسك لمن تبرد تماماً. يفضل ندخلها الثلاجة عشان تتماسك كويس و تعطي نتيجة ممتازة وقت التقديم.

زينوها بالتوت و قطع الشوكولاته أو بأي طريقة تفضلوها ..

custom1
قد يعجبك ايضا