بقلم / سمر فرج محمد المصري
الثانوية العامة كلمة ترعب كثير من أولياء الأمور وخاصتنا وقت النتجة نري الأباء والامهات في حالات فزع شديد
ولذلك سوف اتحدث اليوم عن بعض النصائح ..
-لو إبنك مجبش مجموع أرجوك متمسكش إبنك تبكته طوال الوقت وتقوله فلان وفلان احسن منك وجاب أعلي منك .. علشان ممكن جدا يكون إبنك ولا بنتك عمل اللي عليه بس دا نصيبه
-مَش كل اللى جاب مجموع عالي ودخل كلية قمة طلع واشتغل وحياته مشيت وهكذا .. لسه ياما ناس معندهاش خبرة الحياة العملية وقاعدة عطلانه علشان مَش بتسعي ولا بتطور من نفسها ولا بتحاول .. يعني تخلوا عّن مبدأ كليات القمة .. إبنك ممكن يجيب مجموع بسيط يدخل كلية عادية يتخرج ويشتغل ويبقي أشطر واحد في مجاله عادي وهو دا اللي ربنا كاتبه
-فاروق الباز لم يستطع دخول الطب بسبب مجموعه فالتحق بكلية العلوم وأصبح الآن واحد من أهم علماء الفضاء والعالمين بوكالة ناسا… السير مجدي يعقوب لم يكن من اوائل الثانوية العامة ولكنه الاول في جراحات القلب .. الدكتور احمد زويل مجموعه في الثانوية العامة لم يتخطي ٨٠٪
- لو انت متاكد ان ابنك عمل اللي عليه .. قوله مبروك وساعده يختار كلية يقدر يعمل فيها حاجة ومتحبطوش .. يمكن سندتك ليه وقت ضعفه دا هو اللي يعمل منه حاجة في المستقبل
حتي لو قصر عرفي خطأ من غير مقارنة بأحد