بقلم ا/ ثناء عوده
يارب نفسي اتوب
وأنا كلي ذنوب
اسألك ان تشملني برحمتك
بعزتك وجلالك تغفر لي
ف خطوتي إليك
بهرب من ذنبي
ف صباحي نميمة
وف مسايا غيبة
ف كل خطوة بمشيها
بلاقي الشيطان محاوطني
طبعاً مااحنا اصحاب
وانا اللي اديتة الفرصة
كترت ذنوبي وإزاي اداويها
ويجي الليل أقول لنفسي
أكيد بعد دا كله
مش حيطلع عليا صباح
واتفاجئ إني لسه عايشة
وابدأ من تاني تكرار معصيتك
وانسي دموعي ف طلب التوبة
ويصورلي عقلي انك غايب عني
ويجي عليا اليل واقول
خلاص الليلة دي نهايتي
ويجي الصباح وتنزل دمعتي
مش مصدقة صبرك عليا
تقرب مني خطوه
ابعد انا اميال
يارب عاقبني عشان اتوب
مستاهلش منك الصبر دا
ياما عصيتك وصدقت الشيطان
وصورلي شيطاني انك بعيد عني
سامحتني كتير
وياما جيت علي حقك
وبعد دا كله إزاي أتوب؟
وإزاي حضرتك حتقبل توبتي؟!!
لا إله إلا أنت سبحانك إني كنت من الظالمين.