💥 ضرب ودراما واعترافات جريئة!.. إنجي كيوان تتحدث عن شخصية “كريمة” في “وتقابل حبيب”.. وتجاوب: “ليه الناس محتارة فيها؟” (فيديو)
في لقاء خاص ضمن برنامج سبوت لايت مع الإعلامية شيرين سليمان على قناة صدى البلد، فتحت الفنانة إنجي كيوان قلبها للحديث عن تجربتها المختلفة في مسلسل “وتقابل حبيب”، من تأليف عمرو محمود ياسين وإخراج محمد خُبيري.
💬 “كريمة مش شريرة نمطية.. دي بنت جاية من نيويورك ودمها خفيف”
كشفت إنجي إنها واجهت تحديًا حقيقيًا في تقديم شخصية كريمة، مؤكدة إن الدور بعيد تمامًا عن الشر التقليدي، رغم إنه ممكن يتقدم بالشكل ده نظرًا لطبيعة الشخصية وعلاقتها بشخصية نيكول سابا في المسلسل.
🗨️ “اشتغلنا على إنها تبان بنت كيوت، بسيطة، مش جاية تنافس حد.. وعشان كده اشتغلت على التفاصيل كلها، حتى طريقة اللبس والانفعالات.”
🎥 عن كواليس التصوير.. ووجود عمرو محمود ياسين:✨ “كنت حاسة إني في إيد أمينة، لأنه كان موجود معانا من أول يوم تصوير لحد آخر مشهد.. بيتابع كل تفصيلة.”
👗 عن تفاصيل الشخصية: تلقائية وعفوية
قالت إنجي إنها عدّلت كتير في تفاصيل “كريمة” عشان تبان قريبة من الناس، مش مُصطنعة:💄 “مش دايمًا طالعة مهندمة، وممكن تبان بشعرها مش مظبوط.. لأن عندها ثقة كبيرة في نفسها ومش بتقارن نفسها بحد.”
❤️ الجمهور انقسم.. وده نجاح في حد ذاته!🗨️ “مجرد إن الجمهور يسأل يحبها ولا لأ، فده معناه إننا نجحنا نوصلها كإنسانة مش كدور شر.”
🥊 المفاجأة: إنجي بتعمل بوكسينج!
ضحكت إنجي لما افتكرت مشهد الخناقة:😂 “كانوا شايفيني بسكوتاية، بس لما جه مشهد الضرب وعرفتهم إني بتمرن بوكسينج.. الصورة اتغيّرت تمامًا!”
👏إشادة بالفريق:
💬 “فريق العمل كان عيلة حقيقية، والتجربة كانت مليانة تفاصيل أضافتلي كممثلة.. مبسوطة جدًا بالدور والمشوار ده.”