بقلم الشاعر / رضا أبو الغيط
متابعة / سامح الخطيب
بين نقطتين خط اترسم
فوق الجبين شايف رقم
فوق التراب ماشى التراب
تحت التراب كان العدم
ومن العدم بدأ التاريخ
لما اتولد لينا الأمل
واللحظه فرحه بالصريخ
والحزن م الفرح خِجل
والنقطتين بيقربوا
وأنا ف انتظار الإلتقاء
كل اللى قبلى جربوا
واللحظه مش لحظه رياء
سامع نشيد وبتعزفه
آلة الزمن
اللحن حاسه وبا أعرفه
لخن المحن
سالت دموع المجروحين
والحزن بالفرح اختلط
عند إلتقاء النقطتين
عُقد الحياه ساب وانفرط
حتى الطيور فوق الشجر
خافت تموت
غسلت جناحها بالمطر
صنعت تابوت
وإتبسمت
لشعاع من الشمنس اتولد
لحظة تماس
دمعى الحزين مع فرحتى
وإتوسمت
ف الزهره فوق ظهر الوتد
يمكن تفوت……………
ولكنه لحن وانعزف
مقسوم سكوت
ف نهار وليل بنردده
لازم نموت .. لازم نموت