بقلم / على حزين
أرجوكِ لا تحاولي
روحي ابعدي عن دنيتي
وعن قلبي ابعدي وما ترجعي
أنا خلاص نسيت عذابي معاكِ
ولا تفكري أرجع تاني أهواكِ
حب تاني في قلبي ما تلاقيـ ش
أرجوكِ ابعدي .. ابعدي ..
أنتي اللي اخترتي طريقك
مش أنا ,
مشيتي وحدك
وسبتيني هنا
أقاسي الويل والضنى
والدقيقة مرت في بعدك سنة
وعدت سنة ورا سنة
والنهارده جايا تقولي
أنا آسفة يا حبيبي ,
ما تحاوليـ شي
أرجوكِ ابعدي .. ابعدي
دانا ياما حاولت معاكِ
أفهمكْ إني قلبي بيهواكِ
وقلت لكِ يا حبيبتي خليكِ هنا
وما تضيعي حبنا وما تبعديـ ش
وسامحتكْ كتير .. واديتكْ كتير
وأنتِ ما رضيتـ ش
أرجوكِ ابعدي .. ابعدي
ومشيتي من غير وداع
مشيتي في سكة الضياع
وسلمتي قلبي للضياع
واخترتِ البعاد
واخترتِ العناد
وطفيتِ شموعي
وما رحمتي دموعي
يبقى مين فينا اللي خان …
ومين ظلم ,
ومين اللي ضاع
مين فينا اللي باع
ومين اللي مشى في سكة الضياع
أرجوكِ ابعدي .. ابعدي
كفاية غش , كفاية خداع …
كفاية عمري اللي ضاع
وكفاية حيرة , وكفاية عذاب
وكفاية ألم ودموع , دموع
والنهاردة جاية طالبة الرجوع
وجاية ترجِّعي اللي فات بكلمة
أنا آسفة يا حبيبي
أرجوكِ ابعدي .. ابعدي
طريقنا خلاص ما عاد يتقابل
والقلب خلاص ما عاد قابل
وكفاية كده , أرجوكِ لحد كده
كفاية جراح , وعذاب , وألم
ودموع , دموع , دموع
أرجوكِ ابعدي .. ابعدي
ابعدي .. ابعدي .. ابعدي
تمت مساء الأربعاء / 18 / 11 / 2020
على السيد محمد حزين ــ طهطا ــ سوهاج ــ مصر