فاطمة العامرية
بالتفصيل بخطواته وطريقه لفه بالصور يارب يعجبكو
الطريقه
أولا عيش الكريب
نضع في الخلاط كوب لبن وكوب ميه و2بيضه وربع كوب زيت وملح وفلفل ورشه بيكنج بودر وكوب وربع دقيق ونضرب كله في الخلاط ونسيبه يرتاح ربع ساعه
نجيب طاسه مدهونه زيت وننزل الخليط في نص الطاسه بكوبايه أو بالمغرفه مع تحريكها حركه دائريه يتم توزيعها في الطاولة كلها ونقليها علي الجانبين ونشيلها
الحشو شاورما فراخ تبلتها بتوم وفلفل احمر مفرومين وبصل وملح وفلفل وبابريكا وتوم وبصل بودر وكاتشاب
نسخن الطاسه جامد ونحط الزيت وندي الفراخ صدمه وبعدين نحط فلفل اخضر حراق ونقلب كويس ونطفي عليها لما تستوي
هنجيب العيش بتاع الكريب نحط جبنه وشاوما وكاتشاب ومايونيز وجبنه تاني ونقفله مثلث ونرجعه الطاسه تاني محمره علي الجانبين برشه زيت بسيطه
ويالف هنا