بقلم / سمر فرج محمد المصري
كتير بنسمع جملة ابنك اتأخر في الكلام دخلي حضانة هل هذة المقولة صحيحة هذا ما نعرفة في مقال اليوم ( لو ابنك تأخر فى الكلام وديه حضانة عشان يختلط بالأطفال فيتكلم كويس ).هذة معلومة مغلوطة المعلومة شكلها حلو ومنطقى إنما لها كذا عيب تعالوا نتكلم فيهم أولا : بيمنع التدخل المبكر عند كتير من الأطفال المحتاجة للتخاطب بشكل كبير واللى مش هتنفع معاهم الحضانه خااالص فالأم هتعتمد على انها عملت اللى عليها وودت حضانه ومش هتهتم بابنها وتفاجأ لما يجي يدخل كي جي انه اترفض وتبتدي تلف حوالين نفسها وتشوف هتعمل ايه .ثانيا كمان فى الحضانه ( معظمهم مش بقول الكل طبعا )
لا يتم الاعتناء بالأطفال اللى مش بتتكلم وبيتم اهمالهم والعناية بس بتكون بالأكل والشرب والحمام .ثالثا : وده الاهم ان مش كل الأطفال اللى تأخرت فى الكلام بتكون الحضانه طريقة لحل المشكلة يعنى لو الطفل معندوش ولا كلمة او كلمات محدودة الحضانة متنفعش ولو الطفل مش بيفهم الكلام الحضانه متنفعش ولو الطفل ضعيف سمع الحضانه متنفعش ولو الطفل عنده عيوب كتيرة وحروف كتير مش بينطقها كويس كمان الحضانه متنفعش الحضانه تنفع كويس الاطفال اللى اتكلمت وابتدت تكتسب من اللي حواليها . مالكش او ملكيش دعوة بأي أم او اب يقولو ( انا ابنى كان كده و لما دخلته حضانة اتكلم الكلام ده مغلوط لأن طفلك ممكن يختلف عن طفلها وأدخالك الحضانه هيأخره زياده وممكن يأثر عليه سلبي.