إوعاك ياقلبي

إوعاك ياقلبي.
إوعاك يا قلبي تصدقه.
دا حلم صعب تحققه.
ماتصدقوش بياع كلام.
وعينه دايما بيكدبوا…..
إوعاك ياقلبي.
بطل تعيش في الاحلام.
تعيش
في وهم وتقول غرام.
تبني قصور علي الرمال.
إنساه قبل ما تعشقه.
إوعاك ياقلبي…..
عمر الغرام ما كان كلام.
أونظره حلوه وإبتسام.
الغرام لقاء قلوب.
بتتحد علي الدوام.
إوعاك ياقلبي.
إعتبره حلم جميل وراح.
من قبل ماتعيش الجراح.
الحب لسه في أوله.
إعتبره ليل وأخره صباح.
إوعاك ياقلبي تصدقه.
دا حلم صعب تحققه.
ما تصدقوش بياع كلام.
وعينه دايما بيكدبوا.
إوعاك يا قلبي.
كلمات ماهر محمود….