الأسرة والطفل (الدم فى البراز عند الاطفال )
الدم فى البراز عند الاطفال : من اكتر الشكاوى المرعبة والمقلقة للأهل واللى تستدعى استشارة طبيب فورا بدون أى تأخير
تعالوا نعرف اكتر ايه هى الاسباب والاحتمالات ونتكلم عن بعضها بتفصيل اكتر :
اولا الاسباب الجراحية ودى هنتكلم عنها بالتفصيل فيما بعد ‘ واشهر سبب وأخطرهم طبعا هو الانسداد المعوى واشهر اعراضه الترجيع اللى ممكن يكون لونه أخضر أو لأ ومعاه انتفاخ بالبطن والبطن تبقى محجرة ومؤلمة للطفل والبراز المدمم وتستدعى تدخل جراحى عاجل جدا
ثانيا الاسباب غير الجراحية : ودى هنتكلم عنها بشكل مفصل أكتر :
اول سبب بيبقى فى الاطفال حديثى الولادة ودا بيبقى إما بقايا الدم أثناء عملية الولادة ودا بيتحسن فى خلال فترة بسيطة جدا بعد الولادة أو بسبب ان الام بيبقى عندها تشققات فى حلمة الثدى ومتجرحة والدم بينزل للطفل مع الرضاعة ودا طبعا بيستدعى استشارة طبيب وفيه تحليل بالدم بنقدر نفرق منه دا دم الطفل ولا دم من الام
الشرخ الشرجى : ودا بيحصل فى الاطفال الاكبر شوية ممكن يحصل فى الاطفال اللى عندهم امساك مزمن وممكن يحصل من اللبوس اللى الام بتستخدمه كخافض حرارة او ملين
سيولة الدم : ودا بيبقى بسبب مشكلة فى عوامل التجلط زى مرض الهيموفيليا ، وممكن تظهر اعراضها بدرى جدا فى الاطفال حديثى الولادة زى ان مثلا يحصل نزيف من الحبل السرى او نزيف مابعد الطهارة فى الاولاد
حساسية الطعام :
بيحصل زى التهابات بالقولون كنوع من انواع رد الفعل من الجسم لما الطفل ياخد حاجة فيها بروتين او لبن حيوانى وبيحصل بنسبة أكبر فى الاطفال اللى بترضع صناعى عن الاطفال اللى بترضع طبيعى
الام بتيجى تشتكى انها أحيانا بتشوف دم فى براز طفلها وساعات بيبقى ممخط
غالبا مابيحصل تحسن على عمر ١٨ شهر من العمر بشرط التشخيص الصحيح والتزام الام بتعليمات الطبيب المختص فى سياسة المنع والادخال للأطعمة
امراض التهابات الأمعاء (inflammatory bowel disease ) : زى القولون التقرحى
ودا بيصيب عادة الاطفال اللى فى سن المدارس واشهر اعراضه ألم بالبطن ، الحرارة ، الاسهال سواء معاه دم أو لأ ، تقرحات بالفم ، بنبدأ نشك فيه أكتر لما الاعراض بتبقى مستمرة وكمان بتزيد ونقص فى الوزن ونقص النمو او انيميا نقص الحديد …..
فيه كمان بعض الاعراض اللى ملهاش علاقة بالجهاز الهضمى بتخلينا نشك فيه اكتر زى التهابات المفاصل ، تغيرات واحمرار فى الجلد وحساسية
بيتم تأكيد التشخيص طبعا عن طريق استشارى الجهاز الهضمى وعمل منظار وأخذ عينة وتحليلها
الزوائد القولونية التقرحية ( اورام القولون الحميدة ) ودى علاجها سهل وبسيط مع استشارى
.تابعونا على موقع #نسر_العروبة
https://nesral3roba.com/
.للمزيد من أسعار الدولار والذهب والعملات والأخبار الترند تابعونا على قناة التليجرام https://t.me/ghsjksjjs
تابعونا على صفحة الرسمية لـ #جريدة_نسر_العروبة
https://www.facebook.com/nesral3roba.1
تابعونا على تويتر #جريدة_نسر_العروبة
تابعونا على أنستجرام #جريدة_نسر_العروبة
https://www.instagram.com/nesral3roba/
تابعونا على صفحة الرسمية لـ #جريدة_نسر_العروبة
https://www.facebook.com/nesral3roba.1