الاونطجي

بقلم / مصطفى كرم

تاجر شغله بيع الكلام

يخليك عايش ف الأوهام

يرسم ليك دور الحنية

فتبقى حياتك كدا وردية

علموه إزاى يصطاد

ويرمي شباكه ع الضحية

يبتديها بكلمة جميلة

أو قصيدة ميه ميه

عامل شاعر له مشاعر

بس خفية

بقلم رصاص حديث ع الخاص

تترنح في ايديه البنية

عقلها تاه في كلمة آه

وهو ما يرحم شوية

أستاذ ودارس الحالات

من فقيرة لبنت ذوات

وإزاى تبقى ملك إيديه

وتنفذ كل التعليمات

تقدم روحها بنفس رضية

بعد ما كانت سد منيع

بقيت عنده …حاجة مرمية

وابكي يا بنتي طول العمر

حكاية وطلعت مسرحية

هم دول الأونطجية

ناس بتتاجر بالكلام ………..

زيه زي غيره تمام

يكدب يوم ويصدق نفسه

أنه طاهر وسليم النية

وهو كبير الحرامية

يمكن بس ألعن شوية

الحرامي بيسرق أكله

من ناس تايهة ومغمية

لكن هو بينهش لحمه

زي ديابة سعرانة عفية
…………………………………….