النهارده معايا وتحدى اجمل وصفه أن شاء الله ولا بيض بقى ولا زبادى
عجينه بسيطه بس نتيجه روعه باذن الله
المقادير
العجينه ….
نص كيلو دقيق متعدد الاستخدام
ربع لتر ماء دافئ
ملعقه صغيره من الملح
٥ جرام خميره فوريه ممكن تكون معلقه صغيره
ملعقه ونصف سكر كبيره
ملعقه كبيره زيت زيتون
بس مش اكتر من كده
فى العجان او بايدك عادى
الدقيق مع السكر والخميرة والملح والميه ونعجن كويس جدا جدا والآخر نضيف ملعقة كبيرة من زيت الزيتون ونعجن حبه كمان بس نغطى العجينه ونتركها تخمر
صوص بيتزا روعه بجد
نجيب اربع حبات طماطم ونعملها زى علامه الزائد ونشيل. مكان الأخضر اللى فيها
ثلاثه فصوص ثوم صحيح
خمس حبات فلفل اسود حصى
قرن فلفل احمر
رشه ملح
ملعقه زيت زيتون
بصله صغيره ارع ارباع
رشه زعتر ناشف. دى بتعطى الصوص طعم روعه
نخلطهم مع بعض وتدخلها الفرن ربع ساعة نخرجها نقشر الطماطم ونضع الخليط ده فى الخلاط ونضيف له ملعقه عسل نحل وملعقة كبيرة من صلصه الطماطم
ونضربهم كويس ودى اجمل صوص بيتزا
الحشو
جبن رومى وشيدر وموتزاريلا وجبن كيرى
زيتون اسود شرائح
فلفل الوان مكعبات
صوص من زيت الزيتون وشرائح ثوم لدهان الصينيه واحرف البيتزا ونضيف على وجه البيتزا منه كمان
تدهن صينية بصوص زيت الزيتون والتوم ونفرد العجينه فيها ونخرمها بشوكه نفرد صوص بيتزا بعيد عن الحروف ونضع الجبن والفلفل والزيتون
وندهن الحروف بصوص زيت الزيتون والتوم وكمان نرش شويه على الوجه زى معلقه كبيره
نتركها ربع ساعة بس ترتاح
تدخل فرن حامى على ارضيه الفرن لمده ربع ساعه بتكون روعه بالهنا والشفا
ملحوظه العجينه دى تعمل اتنين بيتزا كبيره او ثلاثه صغيره