بقلم الشاعر/محمد الشناوي الشيوي….
اه يانوابنا العظام
لو تعملوها
يبقي للأجيال دي
قصرا للثقافه
تتركوا بصمات و ناصعه
لاجل جيل بكره اللي جاي
تبقي بيكم أحلي صفعه
للجهاله
يبقي عزف الحب ناي
يالا بينا ياإبن نبضي
يالا ردد قول. معاي
يمكن الدعوه الحبيسه
تنفتح ليها البيبان
مش كتير د3شوري
وزيهم في البرلمان
ابدؤا الموال بشجره
حلوه تطرح للجميع
حق لينا قليل عليكم
زهروا عيون الربيع
رجعوا الحضن اللي
تايه من ايديها
شيلوا ثوب الحزن
مش لايق عليها
دانتوا في الأخر ولادها
والا يببقي كتير عليها
هاتلي شارد أيوه يقرأ
عيون بلاده
والا مارد للزمان
يكسر عناده
الوطن دامش هوين
واسألوه
تلقوا نور العلم زاده
مش هنيأس
والا نتسول حنانكم
الثقافه جنه خضره
تستحق تثير جنانكم
مهدوا الأرض اللي فيها
جدودكم نايمه
للثقافه ام الفنون
وإحنا اهو فاردين قلوبنا
اطلبوا حب العيون
مش هنبخل بيه عليها
حبنا ليها بجنون
لو هتخدوا ضلوعنا
مجاديف وف ايديكم
من جماجم روحنا فكره
حلوه ليكم
خلوا شمس الحب
تطلع وباديكم
اه صحيح بالله عليكم