بقلم / جوده على
دائما تتقطع قلوبنا بالاهات الموجعه ونتعاطف معاها بالدعاء والدموع المنهمرة بالاحزان الشاجنه ولا ندرك كم من الافاعى فى الجحور ساكنه لتظهر لك وتبخ وفى جهك سمومها القاتله أنها السبوبه الايغوريه الواهيه
– المرحلة الاولى ( مقاطعة ) , قاطع منتجات . الصين واعداء الامة عملاء الغرب واليهود ( مصر والسعودية والامارات ) واشترى منتجات . تركيا . ايران . ماليزيا .
– المرحلة التانية ( التبرعات ) اغيثوا اخوانكم فى تركستان , تبرعوا لمسلمى الايغوار ( 2 مليار مسلم لو فيه منهم 100 مليون بس كل واحد فيهم اتبرع ب 10 دولار يبقى مليار دولار فى الشهر , نبعت للايغوار بطاطين وشوية عدس ب 100 مليون و ال 900 مليون يروحوا فى حسابات اللى بيلموا الفلوس .
– المرحلة الثالثة ( تطهير الصفوف ) لازم نحارب اعداء الامة ( مصر , السعودية , الامارات , اى حد مش متضامن مع الجماعة ) وده مش هطل لكن عشان مش هاينفع ننقذ اخواتنا وفى بيننا خونة يبقى نقاطع منتجاتهم ومفيش مانع من كام عملية جهادية ضد المصالح الصينية فى دول الاعداء , و انت زى ما صدقتهم فى اول مرحلة ودعمتهم فى تانى مرحلة هاتتعاطف معاهم فى المرحلة التالتة .
الايغور هما اشخاص موجودين فى اقليم شينيانج الصينى ( تركستان الشرقية ) ودى ارض الصين ضمتها ليها من عشرات السنين , لكن المشكلة فى حاجتين
اولا ان فيه ناس بتطالب بالاستقلال , ثانيا ان الصين اساسا دولة شيوعية ( الفكر الشيوعى عدو للدين , اى دين )
و السببين دول تسببوا فى ان الصين تتخذ اجرائات قاسية ضد سكان الاقليم كان اكبرها هو انها اعتقلت او خطفت مليون طفل من سكان الاقليم عشان تربيهم بعيد عن اهلهم وتغرس فيهم روح الانتماء للدولة الام ( الهدف فى حد ذاته مفيش عليه مشكلة لكن الطريقة مرفوضة ) .
– الصين فيها 130 مليون مسلم \ 35 الف مسجد
عدد سكان تركستان كلهم على بعض ( مسلمين \ مسيحيين \ بوذيين \ ملحدين ) حوالى 40 مليون شخص , هانفترض ان كلهم مسلمين
العقل والمنطق بيقول ان اللى عاوز يضطهد ها يضطهد المسلمين كلهم ( 130 مليون مش الايجور بس ) هايهدم المساجد كلها ( 35 الف مسجد مش 40 مسجد فقط ) .
—
الكلام ده كله مش تبرير لاى تصرفات خاطئة من الصين تجاه المسلمين , انا عن نفسى متضامن ومتعاطف مع اى شخص مضطهد بسبب دينه مسلم او غير مسلم , لكن القصد ان الموضوع كله سياسى مالوش علاقة بالدين ( ناس اتولدت فى بلد وفيه ناس تانية بتسخنهم عشان يستقلوا بحجة اختلاف الدين وفى المقابل دولة عاوزة تحافظ على اراضيها وفى نفس الوقت الاديان كلها مالهاش اى قيمة او اهمية عندها )
لو سعادتك متعاطف ومتضامن وشايف انهم معاهم حق فى الانفصال يبقى خلى عندك مبداء وساعد اقباط المهجر على اقامة دولة قبطية فى الصعيد بحجة المشاكل الطائفية وساعد شيعة البحرين والسعودية على الاستقلال بنفس الحجة وساعد الامازيج \ الاكراد \ النوبيين على الاستقال عن مصر , ليبيا , تونس , الجزائر , السودان , العراق , سوريا لانهم اساسا مش عرب .
من حق اى دولة انها تحافظ على حدودها واللى مش عجباه البلد اللى اتولد هو واهله واللى خلفو اهله فيها يسيبها ويمشى
مع العلم ان دخول الجنة مالوش اى علاقة بالجنسية .
وبالمناسبة المشكلة دى ظهرت للعلن من 2016 ايه الحكمة انها تكبر دلوقتى وليه التفاعل زاد بعد قمة الارهاب فى ماليزيا ؟
وهذه وجهات نظر