الست الشاطره وعلامات نظافة بيتها

الست الشاطره وعلامات نظافة بيتها

اعداد صفاء سعيد

1- حمام البيت نضيف باستمرار ومش مجير ..طب ازاى ؟؟

• الحمام النضيف يتنظف ع الاقل مرتين ف الاسبوع يتغسل البانيو و الحوض وقاعده الحمام من بره ومن جوه.

*الحمام النضيف ملوش ريحه لانك بتفتحى الشباك كل يوم قبل النوم علشان يتهوى.

*الارفف مش مزحومه وعلب الشامبو الفاضيه تترمى اول ب اول

*الفوط تتغير اول ماتحسى ان ريحتها اتغيرت.. وميزى فوطه الوجه عن فوطه الشعر وعن فوطه الجسم مش كله بفوطه واحده.

*الشبشب المستعمل ف الحمام متمشيش بيه على سجاد البيت .

2- المطبخ

نظافة مطبخك المطبخ نفسه هاتى قماشه نصيفه بخل ولمعى المطبخ اول بأول مش هياخد معاكى 5 دقايق والتلاجه نفس القصه نيجى للبوتاجاز خل يتنقع بخل و كربونات الصوديوم و لمون وبعدين يدعك كويس والفرن برضه تنضفيه بقماشه بخل والمكرويف نفس الحكاية والحوائط تحطى فى بخاخه مياه بكلور وترشيها ونسيبها 5 دقائق وقماشه صوف وتمشى بيها على الحوائط والأماكن البعيده عليكى هتجيبى المساحه وتلبسيها القماشه وتمشى عليها هتبقى ذى الفل من غير ولا نقطة مياه .

3- الدولاب

علشان تحافظى على ترتيب دولابك ودولاب اولادك متحطيش اى هدوم مش مطبقه بحجه انك تعبانه او مش فاضية لان لو دخلتى هدوم مش مطبقه مره خلاص مش هتقدرى تسيطرى على فوضى الهدوم المتكومه طب الحل ف ايه ..

*لو المشكله ف وقتك الضيق يبقى خلى التطبيق اخر حاجه ف يومك الطويل.

*لو الهدوم بتدخل ف بعضها وده بيبوظ شكل دولابك يبقى الحل ف الفواصل ..اعملى فواصل بين التيشرتات والبناطيل ..طب اعمل الفواصل ازاى ؟؟ عارفه كرتونه النتايج لوعندك منها حطيها فواصل بين الهدوم علشان تحافظى على ترتيب الهدوم دايما.

*متحطيش الملابس الداخليه والشرابات والطرح بين الهدوم لانها بتوه وبتعمل فوضى خليها ف ادراج منفصله ولو مفيش ادراج حطيها ف شنط قويه جوه الدولاب

*الهدوم او البطاطين او المفارش اللى مش بتستخدم طبقيها حلو وغطيها او حطيها ف شنط كبيره علشان تحافظى على نضافتها وريحتها الحلوه.

*الملايات ..حطى كل ملايه جوه كيس الخداديه الصغيره هتوفرى مكان وطبعا وقت لانك مش هتدورو على باقى الملايه وسط الهدوم.

*اخر حاجه علشان تخلى ريحه دولابك ديما حلوه حطى صابون الوجه بين الهدوم وبرده ممكن تحطى اعواد البخور بين الهدوم وبرده زجاجات البرفان .