الطماطم رخيصة اليومين دول إعملوا الكاتشب فى البيت 
المقادير على كيلو ونص من الطماطم
هنختار الطماطم الحمراء ((أحمر طماطم ممكن تلاقيها
))
هنغسلها كويس ونقطعها اى حاجه وعلى الخلاط
الأفضل ما نضيفش ميه هى هيكون فيها ميه كويسه .. لكن لو الخلاط بتاعك زرجن زوديها حبه صغيرين عشان يتحرك.
بعد كده ناخودها على المصفاة الديقة ونصفيها كويس جدا على قد ما نقدر (ده اللى هيفرق فى درجة نعومة الكاتشب) جوه الحله اللى هتستوى فيها
نشغل النار على أعلى حاجه مع التقليب لغاية ما تبتدى تغلى
بعدها نوطى النار خالص ونسيبها تبخر ميتها وتتقل ((نتابعها بالتقليب كل شوية عشان ما تلزقش أو تتحرق من تحت))
تفضل على النار لغاية ما توصل لقوام الكاتشب المعروف ((هتاخد شوية وقت معلش بس نتقل عشان ناخد حاجه نضيفه 
))
خلاص كده تقلت معانا 
هنضيف عليها الاتى …
١- معلقة صغيرة مليانة ملح
٢- نص معلقه صغيره فلفل أبيض (وده الصح) ولو مفيش هيبقى فلفل أسود.
٣- معلقة صغيرة بصل بودره
٤- معلقة صغيرة ثوم بودرة
٥- عود من القرفنل “مسمار”
بعدها هنضيف السكر والخل وهنا هنقول المقدار اللى يطلع الطعم مظبوط لكن تقدروا تتحكموا فى كمية السكر أو الخل حسب رغبتكم … دوقوا وظبطوه على ذوقكم
٦- مقدار السكر نص كوباية
٧- مقدار الخل كوباية إلا ربع
وهنضيف الخل آخر حاجه عشان ما يتبخرش
٨- فى نص فنجان مية بره هقلب معلقة صغيرة مليانة من النشا واضيفها على الخليط
هنخلط كل المكونات دى وهنتابعها بالتقليب على نار هاديه لغاية ما توصل للقوام المظبوط
هختبرها بإنى احط معلقة صغيرة من الكاتشاب على طبق واميلوا شوية على اى إتجاه واشوف هينزل منها ميه وللا خلاص بقت متجانسة ومتماسكة زى الكاتشب الجاهز …
وكده خلاص مبروك عليكى الكاتشب فى البيت
الكبيبة بطريقة #الشيف هاله فهمي – للمزيد أتبع الرابط التالي https://nesral3roba.com/?p=126662…#عاجل#مطبخنسرالعروبة
مدة وطريقة الحفظ
– يحفظ فى برطمان زجاجي جااااف فى التلاجة لمدة ٣ أسابيع وناخد منه بمعلقة جافة نضيفه
– فى الفريزر ل ٦ شهور.
وبالهنا والشفا 
طريقه عمل #مخلل البنجر بطريقة ( – للمزيد أتبع الرابط التالي https://nesral3roba.com/?p=125453…#عاجل#مطبخنسرالعروبة
