(الـمُـهْــرُ الـجـريـح!!)

الشاعر/أحمد عفيفي
شــلال قـلـق يـاحـبـيـبــتــى
نــازِز ع الجـبـين
الحـلـم جـوّايـا.. اتـخَــنـــق
والشوف..ضنين
لـيـه لـمّـا احـــاول ابـتــدى ,
وافِـكّ مـنـديـل الجروووح
يظهـرلى فيكى:الـف روح؟
**
ليه لمّا بنـقُـش ع الحيطـان:
قلبين , وجسـر , ومدنتـين
بـلاقـينـى راســم: افعـوان
ولـمّـا بسـرح ف الغـيطان,
وافرح واداعـب ف البشـر,
بـلـقـى البشـر:تـايـه, كأنًـه
مالـوش أمـل
ومعدش وِسع الباب بيسمح,
للـجـمـــــــل؟
**
وازاى انا المُهـر الـلـى ياما:
شال همومك وانكوى بالغدر
ح اصهل من جديد؟
وازاى ح اشوف
والضلمه جـوّايا: صـفـوف!
**
ونفسى افضفض ياحـبيـبـتى:
الـمُـهــر كانِـن ف الـمـكــان
كـان لـه زمان بـيـفـرفِــشــه
وكان بيفرد خطوتـه:رهـوان
**
م بـقـاش بـيحـلــم بـالـسـفــر,
ولا يـلـتــفـت,
لـحــظــة م بـيـجزًوا الشجـر
مـبـقـاش بـيـفــرح بـالـمـطـر!
**
ليه ياحـبـيـبـتــى هـناك بَـشَـر
واقـفـين م بـيـنّـا..وحـرنـانـين
مـش داريـانـين,
ان الـشـطــوط , تـاهـت بِـنــا
والمُهـر نـخً , ولسًـه بـيخـبًـى
حنينه ف رعـشته؟!