الماء كدواء

النهاردة هبتدى أول مقال ليا فى سلسلة الماء كدواء هنتعلم مع بعض أهمية شرب الماء والدراسات اللى انعملت بالتفصيل عن دور الماء فى شفاء الأمراض .
فى البداية لا يختلف إثنان عن أهمية المياه لتقوية الكليتين الضعيفتين .
أمتى ممكن يحصلى ضعف فى الكلى وقصور كلوى :-
١- الضغط .
٢- السكر .
٣- بعض أمراض المناعة زى الزئبة الحمراء .
٤-إدمان المسكنات .
٥- بعض أمراض الكلى زى الحصوات والخراج وأكياسها .
طيب هل فيه من طريقة أقى نفسى من القصور الكلوى لو أنا معرض ليه ؟ تعال نشوف الدراسات بتقول أيه ؟
سنة ٢٠١٣ فى مؤتمر جمعية أمراض الكلى فى كندا أعلن أبحاث تمت فى ٢٠٠٥ و ٢٠٠٦ بأن المرضى اللى شربو ٤ ليتر و ٣٠٠ مللى من الماء يوميا كانو عرضه أقل مرتين ونص للقصور الكلوى عن المرضى اللى مبيشربوش ميه .
سامعنى ياحج يلى بطنش تشرب ميه عشان متقومش تتوضى .
سمعانى ياحجة يلى بتنسى تشربى ميه طول اليوم .
مش بس كده كمان الدراسه بتتكلم عن أن اللى كانو بيشربو ميه كانو أقل عرضه لأمراض القلب والأوعية الدموية .
فى النهاية لو عاوز تحافظ على كليتك قلبك شرايينك سلام عليك وعلى شرب الدواء المجانى الماء ولاتنسى إن قلة شرب المياه يؤدى إلى أمراض مهلكة للجسم زى ما هوضح فى المقالات القادمة تفصيليا .
شير لغيرك و قوله أول مانقوم من النوم عبوة المياه المعدنيه ال ٦٠٠ مللى نبدأ بيها يومنا .
دمتم بصحة