بقلم /اسلام حسين علي
الوجع مش كلمه ممكن تتوصف
ولا هو إحساس عادي
ممكن يجي لحظه وينتهي
الوجع لو مس قلبك ينتهي
وانا قلبي سكنه الوجع
حب إنه
يكونله ضله
والغريب ف القلب انه
حب حبه
شوفتي حبك جابلي ايه
حايلت الدمع يوم بعدك
لجل انه م يفضحني
سندت ادياا ع كتفي
وقولت هعدي م المحنه
انا لوحدي بكون احسن
مليش ف اللمه والزحمه
اخدت وهمومي ويايا
وقومت عزمت ع الرحله
بلاد الله اكيد واسعه
تساعني ف وجعي وبكايا
قابلني عجوز فيوم صدفه
فشده دمعه فوق جفني
لمحني بحوشها وبكسره
فقرب مني وسألني
مالك يبني طمني
وليه الهم دا كله
لمحت الدمعه فوق عينك
فهزت قلبي اكمني
دوقت من الوجع ايام
خنقني الليل فقومت امشي
وجيت لمكاني فلقيتك
تحتك ارض مرويه
بدمعي وسهري وجراحي
يطول الوقت مهما يطول
ويفضل جرحي انا صاحي
مالك يبني كلمني
لسه بردو بتعيط
منين الحزن دا كله
ومين بالهم اوحالك
ربيعك لسه بدري عليه
فـ ليه فـ الهم بتسيبه
تعبان يـ عم ..
وقلبي من الوجع شايب
هموم الدنيا فوق كتفي
وجسمي من الزعل دايب
ربيع معادش عود اخضر
طوفان الحزن غطي عليه
غرابها طاف وجه عندي
فكرته حمام فربيته
شاف الخير كتير عندي
فجه ع ارضي ونهبهاا
غبي والله انا عارف
امنت غراب ع ارضي
نهب خيري اللي كانله بيت
وطار ع ارض ناس غيري
لكني ي عم مستغرب
برغم أنه نهب خيري
لكن لسه بحنله
غريب الحب والله
ومتخلف ف احساسه
فـــ دقه بتملاا قلبك فرح
وتبقاا الدنيا ضحكالك
ودقه بتكره الدنياا
وتلعن يوم م جيت فيهاا
وانا وانت يـــ عم سواء
كرهنا الدنياا ومشينا
فارقنا الأرض لجل الحزن
فلف الحزن ولقينا
ساكت لي ي عم انت
وليه كل اما بتكلم
الاقي الناس بتستغرب
وليه الناس كتير واقفه بتتفرج
بتخبط ليه ع كتفي
وليه الضحكه دي طيب
رحت فين يـــ عم انت
وليه بتسيبني اكون وحدي
سرحت ودمعتي نازله
وطريقة الناس بترعبني
واكتشفت ساعتهاا فعلا
أنه كان هم وخانقني
واني اصلا م البدايه
كنت بتكلم لوحدي