بقلم الشاعرة / أحلام حلمى
متابعة / سامح الخطيب
هاتلى على حبك دليل
دا انا لو قتلالك قتيل
بالشكل دا ماتوجعنيش
مابقيتش خلاص فارق معايا
كان ليا معاك أوجع حكايه
من بدايتها للنهايه
روح وقول لقلبك
لغيري يتهادا
انا بطلت اتغابا
وحبك
والا اقولك
انا مهما اقولك كرهتك
لو محلفتش ليك بغلاوتك
متصدقنيش
لاني بكذب عليا
انا عاجبني في حبك دور الضحيه
المغلوبه على امرها
اللي حبك كسرها وذلها
عجبني اني اضحي وتهان
واشوف في حبك الهوان
وانت في ظلمي مشاءالله عليك فنان
عجباني المرعوبه ديما من للحظه رحيلك
اللي انت ليه ديما على استعداد
وبتفن وتبدع في البعاد
وانا لا حول ولا قوة
مشدوده ليك بقوه
صعلوكه في حاره حبك انا يا فتوه
وضعيفه واضحك على نفسي
واقول الحب مروه
وحبك ليا كذبه انا ألفتها وعشتها
وكمان عشقتها
وقلبي ماشي في طريق حبك رحال
وعجبني الحال
واتاريني عندك صفر على الشمال
شكرا قوي ودا ابسط شيئ يتقال