بترغمني
أعيشك ذكريات تايهة ومبتورة كتاب من غير ولا صورة وشوق تايه ف قلب سطور حروفها حزينة مشطورة
بترغمني *****
أعيد الذكريات نغمات تهز الكون وأدور بين طلاسم عشقك المجنون وألمس كل ألحانك وتر مشدود ما بين شطين في بحر المعنى والمضمون
بترغمني *****
أشوفك لغز مالهوش في الوجود تفسير حكاية غريبة في الأساطير و رغم القرب من روحك يتوه المعنى والتعبير
بترغمني *****
أخمن كل يوم حالة على غيابك وأهرب من ضنا عتابك عشان قلبي اللي وجعه هواك يعيش بهواك ويرضى بك
بترغمني
*****
بترغمني على الذكرى وتسكن روحي مية فكرة ومهما غبت عن عيني لا أنا بابعد ولا ناكرة **
ولما حنيني يغلبني وألقى هواك مغلبني أقول راضية بغلبي معاه و لو حتى يعذبني بترغمني
بقلم رئيس القسم الأدبي: د. عزة محمود علي