بقلم / الشاعر محمد الشناوي
عشقتك متقوليش إذاي
عشقتك قبل مااتعرف
علي يومي
يابسمايه ياضحكايه
وألف حكايه وحكايه
بتزكرني في ليل نساي
وكوب الشاي
شفايفك لسا في حيطانه
بريحه الفل بتحبيه
وحبي جوا في عرقك
نهار طارح وبتخبيه
يابنت الأيه
حكايتك أيه مع قلبي
وإخلاصه إل بيدينه
دا بيحافظ علي دينه
وكان أمله أكيد عرفاه
وفي عنيكي الكلام إياه
عيوني كاتبه مراسيلها
غرام باين علي جبيني
بحبك موت
ومش عايزك تحبيني
تعانديني أكيد قمرايه
في عنادك
يتوه القلب في بعادك
ويبكي كتير علي حاله
دموعه في كف مواله
فرح بكره وكام فكره
تاخدني إليكي نتقابل
يفوت نول الكلام كله
ولا ننطقش
وتتصمر خطاوينا
مابين اللحظ والراحه
دروب الحيره دباحه
ونتواعد في كام ساحه
مبتوصلش
ياسكه لمي خطاويكي
داقلبي باينه مش ليكي
ياخطوه دائره وخداني
أنا سارح في توهاني
تكوني نسيتي عنواني
أنا ضيك أنا شروقك
وذنب ماحي بوضوئك
ودعوه حلوه مرجوه
تهزي في روحي وبقوه
يانن عيوني من جوه
أخدني البوح ولاسامعه
عشقتك قادره ومسامحه
عشقتك للجمال لمحه
عشقتك في الدموع ضحكه
عشقتك في السرور دمعه
عشقتك روح بتتمايل علي روحي
عشقتك للجفي كارهه
عشقتك متقوليش إذاي
ولو كان الهوي نساي
عيونى في الغرام جامعه