كتبت / سمر فرج محمد المصري..
اليوم سوف نتحدث عن بعض السلوكيات الخاطئة التي تفعلها الأم في التربية والتي يجب عليها تجنبها ليس كل غلطة لطفلك محتاجة محكمة منك تجلده لفظيا وتعاقبه جسديا ومعنويا..غالبا بتكون غلطة طفلك هي مؤشر ليك إنك تعرف بيه سلوكك اللي محتاج تعدله أو قصرت فيه فنتج عنه هذه الغلطة .
.مثلا .. لو طفلك خد فلوس من غير مايقولك مش العقاب ولا وصفك ليه بالسرقة هو اللي هيحل المشكلة بالعكس ..الصح إنك تعرفه يعني ايه الخصوصية ويعني ايه الملكية وازاي ننظم إحتياجاتنا وازاي نرتب اولويتنا ..لو طفلك بيحل مشاكله بالزعيق والضرب .. فكر كدة انت بتنهي المواقف معاه ازاي ان ده اسلوبك معاه وبالتالي أصبح اسلوبه..والصح إنك تعلمه التواصل الجيد والحوار المثمر واحترام حرية رأي واحتياج الآخر وازاي نقدر نتفق..قيس على ذلك معظم أخطاؤه هتلاقي دورك كان ناقص فيها..هتقول انا اتكلمت كتير ومافيش فايدة.. الجواب ان كلامك الكتير كان بأسلوب خطأ وصل رسايل غلط فكانت النتايج غلط.. تعامل مع طفلك بمسئولية المربي مش القاضي والجلاد ولا الناقد المتربص هتفرق كتييير ليك وليه ولشخصيته وللمستقبل ..