بين حروفي قلبي ساكن
بشعر بيه فى سطري لكن
بيهرب مني بين دروبي
أدور عليه فى كل دقة
ألتقيه بكل رقة
يحضن الشمس فى إيدي
يسري الدم فى وريدي
تيجي روحي من جديد
تحسه لسه كان وليد
يفرش الأرض حنة
يمسح الدمع ف عيونا
يسرح بيك لكون بعيد
تجري فيه وتكون سعيد
ياخدك للأرض البراح
يتولد ليك كام جناح
تجري تجري أوام تطير
تلغي عقلك م التفكير
عالم تاني من الخيال
تيجي تخرج تقول محال
هو الروح والآمال
نشوى الخطيب