الشاعر/أحمد عفيفي
لو قلت انا الطير اللى فأفأ
واستوى على كف ايدك
وانا النبض المهاجر
من وريدك
واللى فاكر كل ليل
يغزل ليالى البعد
ضُليلة أمل
ايًاكى فاكرة انِك هناك
وانى هنا
وان الغمام ح يغشنا
ازاى م بينا الوصل همزه
انا كل يوم الضُم ف حبًات
الزمن وانده واصيح
ازى بريدك غير صريح
وليه حمام الوصل
بيخبى الدليل
انا كل ليل تخرج مواويلى
تطبطب ع الجروح
وف كل بوح اتهجًى صورتك
صبايا
احس حوًايا بفراغ وامضُغ
قطوف الكلام
انا لسه شامم ف الحزام
ريحة مناديلك
فاكر صهيلك
لحن طالل ف السما
لسايا انا بسمع
شخاليلك وانغامك خلاخيلك
طب ايه دليلك ان انا
نسيتِك ف يوم؟
ازاى وانا الموشوم بحبِك
اتلفت وانظر لغيرك
ازاى وانا عنوانى/شكلى
فيه هديلك
ح استنى ضحكه مفسًره
ف سطور بريدك!