قصيدة بقلم رئيس القسم الأدبي:
د. عزة محمود علي
“خيوط من نور”
…
مابين ……. الرغبة …. والمقدور
خيوط من نور
وأنا ف عتمة ………..غريق…… تايه
ف وسط بحور
وضل الروح ……….بيصرخ والجسد
مشبوح
وباب مفتوح.. وخلق الله تراب مبدور
….
في ساحة الحق ………….أملي كبير
يكون………. «الحق» لىّ ………نصير
ويمحي……….. الذنب………. والتقصير
عباد تعصى !!!!!!!! ……. ورب غفور
……
وصوت الرعد…… بيسبح ف كف الليل
وقلب الأم متجرح ……. و داب ترتيل
أمل غرقان ف قلب.. العاشق الطمعان
في لحظة كلها إيمان…… يبان له دليل
……..
وسكرة عشق… تشبه ليها سكرة موت
ونظرة حب …تايهة ف فضا الملكوت
وروح متلهفة الرحمة……. من الرحمن
بيوصلها من الديان…… إشارة وصوت
…….
خيوط من نور بتوصل بين سما وبحور
تقول للعاشق التايه…….. فيه رب غفور
تهون الدنيا….. والقلب اللي كان مكسور
يلاقي طريقُه…….. بين الرغبة والمقدور