دق الهوى على الباب

FB IMG 1597159718914



بقلم / على حزين
دق الهوى على الباب
أنا قلت مين
قال الهوى افتح يا بوّاب
حب السنين
قلت له يا قلبي لا
دق , دق ,
قلت له يا قلبي لا


دق الهوى , دق , دق
أنا قلت مين
قال الهوى قدر الأحباب
ومكتوب على الجبين
قلبي دق له , دق , دق
قلت له يا قلبي لا


حبايبنا طلعوا كدابين
حبايبنا طلعوا خدّاعين
غدارين , قاسيين , خاينين
وسالت دموع العين
ودق , دق , دق الهوى
قلت له يا قلبي لا


قال الهوى الحب قدر ومكتوب
والمكتوب على الجبين
لازم تشوفه العين
قلت له خلينا ساكتين ,
خلينا ناسيين
وقلت له يا قلبي لا


أنا اللي اتظلم من الأحباب
ومن العذاب أنا قلبي داب
وباعوه الأحباب برخص التراب
وسابوه من سنين
يقاسي العذاب والويل
حبايب طلعوا خاينين
وأنا اللي كنت بكحل بيهم العين
متشكرين يا هوى , متشكرين


خداع يا هوى , كذاب يا هوى
أنا ما لي أحباب بقى لي سنين
روح يا هوى ومتشكرين
بعد عني وروح
وكفاية عذاب , وكفاية جروح
وكفاية غدر السنين


ودق الهوى على الباب
أنا قلت له يا قلبي لا
ابعد بعيد خطوتين
وروح يا هوى , كفاية يا هوى
وبعد بعيد وغيب يا هوى
بعد عني وروح , دانا كلي جروح
وكفاية غدر السنين


روح لناس غيرنا , لناس رايقين
روح لناس من العذاب والضنى خاليين
بص الهوى عليَّ وسالت دموع العين
وقال أنا ذنبي ايه
مادام حبايبك طلعوا ناس خاينين
ودق الهوى على قلبي دق دقتين
قلت له يا هوى روح
عن قلبي روح … ما ناقصين


دق الهوى على الباب
أنا قلت مين
قال الهوى حب السنين
قلت له يا قلبي لا
ما ليك أمان يا هوى
بعد عن بابي يا هوى
وعن قلبي روح يا هوى
روح يا هوى روح
وقلت له شكراً يا هوى
متشكرين ,


تمت مساء الثلاثاء 11 / 8 / 2020
على السيد محمد حزين ــطهطا ــ سوهاج ــ مصر