بقلم / إيمان السقا
يا شوم حالك
مين جالك كخيل هايج
وشقلب للحضيض حالك
واوحالك
بإن الليل ماهوش حالك
مين ذلك كده وهانك
وقالك ارمى لعيالك
ومين جالك
وشال الشك من قلبك
وحل العقده ف لسانك
ونساكى .
ونسيانك
بان الدود من الزلعه
وعمره ما كان من الخارج.
دود مشك صبح تعابين
ماهوش بالالف .. لاء ملايين
لفوكى بسور شايك
سؤال فى السر …
فين تاجك؟
نسيتى العز والسلطه-
ركعتى ليه لخدامك
يا ضامة الكل احضانك
وفايتانى اموت وحدى حدى بابك
يا سقيانى مرار صدك
وسيقانى من القرنين
ادّور ساقيتك تروى
غيطان يجنيها انجاسك
لكن برضوا
انا الناسك
وحبك فرض ومناسك
منا ناسك وحراسك
شوفينى يوم باحساسك
وهمّى ارفعى راسك
عشان يضويلى نبراسك.
دانا فاسك
وانا ماسك
و انا الماسك …
زمام روحى على كفى
ياريت تكفى
تشيل الهم من راسك