بقلمى محمد عنانى.
سَحاب وشايل مطر والهوا يِمَشِيه
وف لحظه ينزل على البوار يحييه
يرد فيه الروح ومن العطش يرويه
بعد ماكان الأمل فى الحياه مجافيه
والزرع من فرحته بقا يزغرد فيه
وورود كمان ع الغصن رقصت ليه
وطيور كتير غردت عَشَاَن تِلاغيه
وكأن صوت المطر دا لحن بتغنيه
وكل مافى الوجود أكيد بيفرح بيه
سبحانه رب الكون بقدرته بيحييه
لكل شىء أبدع والكل صُنع إيديه
الشكر طول عُمرنا يبقا شِويه عليه
سحاب وشايل مطر
ما هو رد فعلك؟
حب0
حزين0
سعيدة0
غاضب0
غمزة0